چین کے شمالی صوبے شنشی میں سڑک کی تعمیر کے لیے شروع کی گئی کھدائی کے دوران مِنگ عہد (1644-1368) کے اینٹوں سے بنے تین مقبرے دریافت ہوئے ہیں
مقبرے چھانگژی شہر کے لوژو ڈسٹرکٹ میں واقع ہیں اس علاقے میں کھدائی گزشتہ سال سڑک کی تعمیر کے دوران شروع کی گئی تھی۔
مقبروں پر مِنگ عہد کے خوبصورت نقش ونگار بنے ہوئے ہیں جن میں سورج، چاند اور دیگر چینی افسانوی عناصر کی تصویریں ہیں۔
شنشی کے آثار قدیمہ کے صوبائی انسٹی ٹیوٹ کے مطابق مقبروں کی ساخت اور دریافت ہونے والے نمونوں سے پتہ چلتا ہے کہ یہ مِنگ عہد کے ابتدائی دور کے خاندانی مقبرے ہوسکتے ہیں۔
ایک مقبرے کے چیمبر کی چھت گرچکی ہے اور اندر صرف چند دیواریں باقی ہیں، ماہرین نے تحفظ کے لیے دیواروں پر بنے کچھ نقش ونگار کو علیحدہ کیا ہے۔
دیگر دو چیمبروں کی دیواروں پر بنے نقش ونگار محفوظ ہیں۔
