The news is by your side.

Advertisement

چین: ایک سے زیادہ بچوں والے خاندانوں کے لیے بڑا اعلان

پان زیہوا: چینی شہر پان زیہوا میں حکام نے ایک سے زیادہ بچوں والے خاندانوں کی مالی اعانت کا اعلان کیا ہے۔

تفصیلات کے مطابق ٹیلنٹ کو سامنے لانے کے اقدامات کے تحت چین کا جنوب مغربی شہر پان ژیہوا ایک سے زیادہ بچوں والے خاندانوں کو رعایت فراہم کرے گا۔

اس سلسلے میں میونسپلٹی حکومت نے بدھ کے روز ایک پریس کانفرنس میں بتایا کہ بچوں کی پیدائش کی ملکی پالیسیوں کے تحت 12 جون 2021 کو یا اس کے بعد پیدا ہونے والے پہلے بچے کے علاوہ ہر بچے کو 3 سال کی عمر تک ماہانہ 500 یوآن (تقریباً 76.9 امریکی ڈالر) ملیں گے۔

اس مالی معاونت کے حصول کے لیے والدین اور دوسرے یا تیسرے بچے کے لیے اس علاقے کا سکونتی سرٹیفکیٹ، ہوکو یا پان ژیہوا کا مستقل رہائشی ہونا لازمی ہے۔

واضح رہے کہ چین نے ایک ایسے فیصلے کی منظوری دی ہے جس کے تحت جوڑوں کو متعدد معاون اقدامات کے ساتھ ساتھ تین بچے پیدا کرنے کی اجازت ہے، اور اس کا مقصد ملک کی آبادی کے ڈھانچے کو بہتر بنانا اور آبادی میں طویل المدت اور متوازن ترقی کو فروغ دینا ہے۔

Comments

یہ بھی پڑھیں