بیجنگ: چین نے مشرق وسطیٰ میں امن و استحکام کے لے ثالثی کی پیشکش کردی ہے۔
چینی وزارت خارجہ کا کہنا ہے کہ ایران، اسرائیل، مصر اور عمان سے رابطے میں ہیں، خطے کو مزید ابتری سے بچانے کے لیے فوری اقدامات ناگزیر ہیں۔
ترجمان چینی وزارت خارجہ کا کہنا ہے کہ چین نے تمام فریقین سے کشیدگی کم کرنے کی اپیل کی ہے، چین خطے میں امن کے لیے عالمی برادری کے ساتھ مل کر کام کرے گا۔
وزارت خارجہ کا کہنا ہے کہ مشرق وسطیٰ میں تنازع کے خاتمے کو ترجیحی سفارتی ہدف سمجھتے ہیں، فریقین کشیدگی کم کریں تنازع مزید نہ پھیلنے دیں۔
دوسری جانب چینی صدر شی جن پنگ نے بھی اسرائیل اور ایران سے فوری جنگ بندی کا مطالبہ کیا ہے۔
ایران اسرائیل جنگ سے متعلق تازہ ترین خبریں
چینی صدر کا کہنا ہے کہ ایران اسرائیل تنازع مزید بڑھا تو پورا خطہ لپیٹ میں آسکتا ہے، جنگ بڑھی تو فریقین کے ساتھ علاقائی ممالک بھی نقصان اٹھائیں گے۔
ان کا کہنا ہے کہ اسرائیل کو فوری جنگ بندی کرنی چاہیے ورنہ صورتحال بگڑ سکتی ہے، جنگ کا پھیلاؤ روکنا لازم ہے مزید تباہی کی اجازت نہیں دی جاسکتی۔
چین نے اسرائیل اور ایران سے تحمل اور فوری سفارتی حل اپنانے کا مطالبہ کیا ہے۔
