The news is by your side.

Advertisement

ہمیں نسل انسانی کے مستقبل کی فکر ہے، بیجنگ باغبانی نمائش سے چینی صدر کا خطاب

بیجنگ: چینی صدر شی جن پنگ نے کہا ہے کہ ماحولیاتی تحفظ کو یقینی بنانے کے لیے مشترکہ کوششیں کرنا ہوں گی، ہمیں نسل انسانی کے مستقبل کی فکر ہے۔

تفصیلات کے مطابق صدر شی جن پنگ نے بیجنگ میں ہارٹی کلچر ایکسپو 2019 سے خطاب کرتے ہوئے کہا کہ نسل انسانی کے مستقبل کی فکر کرنا ہوگی، مشترکہ کوششوں سے ماحولیاتی تحفظ کو یقینی بنانا ہوگا۔

چین کے صدر نے کہا کہ بیجنگ کی خوب صورت بہار تمام شرکا کو خوش آمدید کہتی ہے، اس نمائش کا مقصد کرہ ارض کو سرسبز و شاداب بنانا ہے۔

صدر شی جن پنگ نے کہا کہ ہمیں نسل انسانی کے مستقبل کی فکر ہے، دوسرے بیلٹ اینڈ روڈ فورم کا انعقاد بھی انتہائی کام یاب رہا۔

یہ بھی پڑھیں:  وزیراعظم عمران خان کی چینی صدر سے ملاقات

خیال رہے کہ آج وزیر اعظم عمران خان اور چینی صدر شی جن پنگ کے درمیان ملاقات میں دو طرفہ تعلقات و علاقائی امن پر بات چیت کی گئی۔

یاد رہے کہ گزشتہ روز وزیر اعظم نے بیلٹ اینڈ روڈ فورم میں گول میز کانفرنس سے خطاب کرتے ہوئے کہا تھا کہ چین جدید دورمیں کام یابی کی عظیم مثال ہے، چین نے ترقی کوفروغ دے کر معاشرے کو تبدیل کیا۔

Comments

comments

یہ بھی پڑھیں