The news is by your side.

Advertisement

چین نے ایک بار پھر پاکستان سے مثالی دوستی کا حق ادا کر دیا

اسلام آباد : چین نے انسداد ٹڈی دل کیلئے پاکستان کو 1لاکھ امریکی ڈالر  فراہم  کردیئے ، وفاقی وزیر سیدفخر امام نے چین کا شکریہ ادا کرتے ہوئے کہا دونوں دوست ممالک میں دوستانہ تعلقات کو مزید بڑھانا چاہئے۔

تفصیلات کے مطابق انسدادٹڈی دل کیلئے چین نے 1لاکھ ڈالر وزارت قومی غذائی تحفظ وتحقیق کے حوالےکردیے، ایک لاکھ ڈالرکاچیک وفاقی وزیر قومی غذائی تحفظ وتحقیق سیدفخر امام کےحوالے کیا گیا۔

چائنہ نیشنل پٹرولیم کارپوریشن نے انسداد ٹڈی دل کیلئے پاکستان کی کوششوں کوسراہا، اس موقع پر چینی سفیر یاؤ جنگ اور زرعی کونسلر ڈاکٹر گووین لینگ بھی موقع پرموجود تھے۔

وفاقی وزیر قومی غذائی تحفظ وتحقیق سیدفخر امام نے کہا کہ دونوں دوست ممالک میں دوستانہ تعلقات کومزید بڑھانا چاہئے، زراعت اپنے معاشی تعلقات بڑھا سکتے ہیں۔

فخرامام نے انسدادٹڈی دل کیلئے1لاکھ امریکی ڈالر کے احسن عطیہ پر چین کا شکریہ ادا کرتے ہوئے کہا چین کی جانب سے ہمارے مشن کیلئے انسداد ٹڈی دل کیلئے 12 ڈرون کی فراہمی بھی کی گئی ، دونوں فریق زرعی تعاون کومزید فعال کریں گے۔

ان کا کہنا تھا کہ چینی کمپنیوں کو سی پیک کے تحت خصوصی اقتصادی زون قائم کرنے چاہئیں، تعلقات کو بڑھانا دونوں دوست ممالک کے باہمی مفاد میں ہیں۔

Comments

یہ بھی پڑھیں