امریکی صدر ڈونلڈ ٹرمپ کے گزشتہ روز غزہ پر قبضے کے بیان کے بعد دنیا کے مختلف ممالک کی جانب سے سخت رد عمل کا اظہار کیا گیا تھا، تاہم اب چین کی جانب سے بھی ٹرمپ کے بیان کی مخالفت کی گئی ہے۔
بین الاقوامی خبر رساں ادارے کی رپورٹ کے مطابق چین سے جاری بیان میں چینی وزارت خارجہ نے امریکی صدر ڈونلڈ ٹرمپ کے غزہ پر قبضے کے بیان پر ردعمل دیا ہے۔
چینی وزارت خارجہ کا کہنا ہے کہ غزہ پٹی سے فلسطینیوں کے جبری انخلا کی مخالفت کرتے ہیں۔ فلسطین پر فلسطینیوں کی حکمرانی بنیادی اصول ہے، غزہ کے باشندوں کی جبری منتقلی کے مخالف ہیں۔
دوسری جانب امریکی صدر ٹرمپ کا کہنا ہے کہ ملک میں خواتین کھلاڑیوں کے حقوق کیلئے جاری جنگ آج ختم ہوگئی، امریکا میں صرف دو جنس ہیں مرد اور عورت، اس کے علاوہ کوئی تیسری جنس نہیں۔
ٹرمپ کا وائٹ ہاؤس میں خطاب کے دوران کہنا تھا کہ خواتین کھلاڑیوں کی جگہ مردوں کو کھیلنے کی اجازت نہیں دے سکتے۔
امریکا سے غیرقانونی مقیم 104 بھارتی ہتھکڑیاں لگا کر ڈی پورٹ
واضح رہے کہ امریکی صدر آج خواتین کے مقابلوں میں مردوں کی شمولیت کیخلاف ایگزیکٹوآرڈرپردستخط کرینگے۔
