چین نے امریکی صدر ڈونلڈ ٹرمپ کے تازہ بیان پر رد عمل کا اظہار کرتے ہوئے کہا ہے کہ ٹیرف معاہدے کیلئے زبردستی اور دھمکی نہیں چلے گی۔
غیر ملکی ذرائع ابلاغ کے مطابق ترجمان چینی وزارت خارجہ نے ٹیرف معاہدے سے متعلق امریکی پیغامات پر ردعمل میں کہا کہ چین پر معاہدے کیلئے امریکی پریشر کا کوئی اثر نہیں۔
امریکا اگر معاملات کو بات چیت سے حل کرنا چاہتا ہے تو دانش مندی کا مظاہرہ کرے۔
ترجمان چینی وزارت خارجہ کا مزید کہنا تھا کہ امریکا کے چین سے مذاکرات برابری اور باہمی اعتماد سے ہی آگے بڑھ سکتے ہیں۔
واضح رہے کہ امریکی صدر ڈونلڈ ٹرمپ کا کہنا تھا کہ چین پر عائد ٹیرف میں کمی کا انحصار چینی قیادت کے عمل پر ہوگا۔
ڈونلڈ ٹرمپ نے کہا کہ اگلے دو سے تین ہفتوں میں چین کیلیے ٹیرف طے کریں گے، چین کیساتھ ڈیلنگ بہت اچھی کرنے جا رہے ہیں، چین کو معاہدہ کرنا ہی پڑیگا، چین نے معاہدہ نہیں کیا تو ہم ڈیل طے کریں گے۔
واضح رہے کہ ٹرمپ کی جانب سے مختلف ممالک پر عائد کردہ تجارتی ٹیرف کے نفاذ کے بعد امریکہ میں بھی غیر یقینی صورتحال پیدا ہورہی ہے، جس کے سبب مہنگائی اور بے روزگاری میں اضافہ دیکھنے میں آرہا ہے۔
اس حوالے سے فیڈرل ریزرو (امریکہ کا مرکزی بینک) نے تازہ ترین رپورٹ جاری کی ہے جسے ”بیج بُک”کے نام سے جانا جاتا ہے، اس رپورٹ میں ٹرمپ کی غیر متوقع اور سخت ٹیرف پالیسیوں کے بعد موجودہ ملکی اقتصادی حالات کی عکاسی کی گئی ہے۔
امریکا کی دو سو زائد جامعات کا ٹرمپ کے خلاف اہم اقدام
امریکہ کی مختلف ریاستوں میں معاشی سرگرمیاں سست روی کا شکار ہو چکی ہیں اور لوگ ٹیرف پالیسیوں سے پیدا ہونے والی صورتحال سے مطابقت پیدا کرنے کی کوششیں کر رہے ہیں۔
