بیجنگ : چین میں دنیا کی سب سے بڑی دوربین پر ’’فیڈ کیبن ‘‘نصب کردیا گیا ہے۔
تیس ٹن وزنی جدید فیڈ کیبن کو ایک سو تیس میٹر بلندی سے رسیوں کی مدد سے نصب کیا گیا ہے، جو دوربین کے ریسیور کے طور پر کام کرے گا اور بیرون خلاء سے آنے والے سگنلز کو جمع کرے گا۔
ماہرین کا کہنا ہے کہ اس منصوبے سے خلاء میں پوشیدہ رازوں کو بہتر طریقے سے جاننے میں مدد ملے گی۔
فاسٹ نامی یہ دوربین فٹ بال کے تیس میدانوں جتنی جگہ گھیرتی ہے، یہ دنیا میں موجود دیگر دوربینوں سے کئی گنا زیادہ طاقتور بھی ہے، جو کچھ عرصہ میں کام کرنا شروع کردے گی۔
یاد رہے رواں سال جولائی میں چین نے صوبے گیزو میں دنیا کی سب سے بڑی ریڈیو دوربین کی تنصیب کا کام مکمل کیا تھا۔
مزید پڑھیں : چین نے انسانی تاریخ کی سب سے عظیم دوربین تیارکرلی
دوربین کا حجم 30فٹبال گراﺅنڈز کے برابر ہے، دوربین کی تنصیب کا کام پانچ سال بعد مکمل ہوئی ہے، یہ دوربین دیگر جدید آلات کے مقابلےمیں آسمان کو دو گنازیادہ سکین کرنے کی صلاحیت رکھتی ہے۔
اس دوربین میں پانچ سو میٹر قطر کے ریفلیکٹر لگائے گئے ہیں جب کہ 4450 پینلز نصب کیے گئے ہیں، ہر پینل کی ایک سطح کی لمبائی 11 میٹر ہے۔
ویڈیو بشکریہ سی سی ٹی وی
