اسلام آباد : چین کے نائب وزیر خارجہ نونگ رونگ نے وزیر منصوبہ بندی احسن اقبال کو “مسٹر سی پیک” قرار دے دیا اور کہا آپ نے سی پیک کو کامیاب بنانے میں کلیدی کردار ادا کیا ہے۔
تفصیلات کے مطابق چین کی سینئر قیادت نے میٹنگز میں وفاقی وزیر منصوبہ بندی و ترقی احسن اقبال کو سی پیک منصوبے کے لئے ان کی خدمات پر خصوصی خراج تحسین پیش کیا۔
کیمونسٹ پارٹی کے بین الاقوامی تعلقات کے وزیر لئیو جانشؤو نے کہا کہ آپ کی سی پیک کو کامیاب بنانے کے لئے گرانقدر خدمات سب کو معلوم ہیں اور ان کو فراموش نہیں کیا جا سکتا اور ہم اس کی تحسین کرتے ہیں۔
چین کے نائب وزیر خارجہ نونگ رونگ نے کہا کہ آپ “مسٹر سی پیک” ہیں، آپ نے سی پیک کو کامیاب بنانے میں کلیدی کردار ادا کیا ہے۔
اس موقع پر سن وائڈنگ کا کہنا تھا کہ سی پیک کے آغاز سے آپ کی سی پیک سے وابستہ رہے اور آپ کی قیادت اور محنت نے سی پیک کو کامیاب بنانے میں اہم کردار ادا کیا ہے۔
انھوں نے کہا سی پیک کے تحت اس کے اعلی ترین فورم جائینٹ کوآڈینیشن کمیٹی (جے سی سی) کے کل 11 اجلاس ہوئے ہیں، جن میں جناب احسن اقبال کو 8 کی صدارت کرنے کا اعزاز حاصل ہے۔
اجلاس میں این ڈی آر سی کے نائب چئرمین نے احسن اقبال کو کہا کہ آپ جتنا سی پیک کا کوئی علم نہیں رکھتا۔
