بیجنگ: وزیر خارجہ شاہ محمود قریشی کا کہنا ہے کہ چین کی کرونا کے خلاف جنگ میں کوششیں قابل تعریف ہیں۔
تفصیلات کے مطابق وزیرخارجہ شاہ محمود قریشی نے چینی ٹیلی وژن کو انٹرویو میں کہا کہ چین کی کرونا کے خلاف جنگ میں کوششیں قابل تعریف ہیں۔
شاہ محمود قریشی کا کہنا تھا کہ چین نے کرونا کے خلاف جنگ میں بہترین کام کر کے دکھایا، بہت کم وقت میں چینی حکومت اورعوام نے کرونا سے مقابلہ کیا۔
وزیر خارجہ کا مزید کہنا تھا کہ چینی حکومت اور عوام نے ثابت کیا کہ ان میں ہر چیلنج کا مقابلہ کرنے کی صلاحیت ہے۔
کرونا ٹیسٹنگ کٹس سے متعلق چین نے معاونت کی، شاہ محمود قریشی
یاد رہے کہ گزشتہ روز بیجنگ میں میڈیا سے گفتگو کرتے ہوئے وزیر خارجہ شاہ محمود قریشی کا کہنا تھا کہ چین نے عزم وہمت کے ساتھ کرونا وائرس کا مقابلہ کیا، آج پوری دنیاچینی حکومت کے اقدامات کی پیروی کر رہی ہے، خواہش تھی چینی بھائیوں کے عزم وہمت کی داد دی جائے۔
شاہ محمود قریشی کا کہنا تھا کہ چین نے پاکستانی طلبہ کا خیال رکھا اور بھرپور معاونت فراہم کی۔ انہوں نے مزید کہا تھا کہ کرونا ٹیسٹنگ کٹس سے متعلق بھی چین نے معاونت کی۔
