پاک فضائیہ کے زیر استعمال طیارے کی کامیابیوں کا اعتراف کرتے ہوئے برطانوی اخبار ڈیلی میل نے رپورٹ شائع کردی۔
ڈیلی میل نے پاک فضائیہ کے زیر استعمال جے ٹین سی طیارے کی کارکردگی کا اعتراف کرتے ہوئے لکھا کہ چین کا جنگی طیارہ مغربی ٹیکنالوجی کا مقابلہ کرسکتا ہے۔
چینی جنگی طیاروں کا پہلی بار مغربی ٹیکنالوجی کے ساتھ براہ راست مقابلہ ہوا، فضائی لڑائی میں مبینہ طور پر بھارتی طیارے مار گرائے گئے جن میں کم از کم ایک طیارہ فرانسیسی ساختہ رافیل تھا۔
پاک بھارت کشیدگی سے متعلق تمام خبریں
ڈیلی میل نے لکھا کہ اسلام آباد نے چینی ساختہ جے ٹین سی لڑاکا طیاروں کو آپریشن میں استعمال کیا، پاکستانی حکام کے مطابق لڑائی میں مجموعی طور پر 100 سے زائد طیارے شامل تھے۔
رپورٹ میں کہا گیا ہے کہ تنازع کے دوران کسی بھی فریق نے سرحد عبور نہیں کی، بھارتی جیت طیاروں کو بھارت کے اندر اور مقبوضہ کشمیر میں مار گرایا گیا۔
فرانسیسی انٹیلیجنس ذرائع نے سی این این کو ایک رافیل جیٹ کو مار گرانے کی تصدیق کی، جے ٹین سی کی صلاحیتیں عالمی سطح پر ثابت ہوچکیں جس نے مغربی دفاعی حلقوں میں خطرے کی گھنٹی بجادی ہے۔
