اسلام آباد: چینی سفیر نے نے چیئرمین سی پیک اتھارٹی عاصم سلیم باجوہ سے ملاقات میں سی پیک کو خصوصی توجہ دینے پر حکومت پاکستان سے اظہارِ تشکر کیا۔
تفصیلات کے مطابق سی پیک اتھارٹی کے چیئرمین عاصم سلیم باجوہ نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستان میں تعینات چینی سفیر ایچ ای یاو جینگ نے سی پی ای سی اتھارٹی کا دورہ کیا اور چینی حکومت کی جانب سے سی پیک پرکام کی تیز رفتار اور زیادہ توجہ دینے پر حکومت پاکستان کا شکریہ ادا کیا۔
Chinese Ambassador HE Yao Jing visited CPEC Authority. On behalf of Chinese Govt,he paid gratitude to Pak Govt for an accelerated momentum&greater focus on #CPEC.Reaffirmed commitment to add value to CPEC&bring dividends to the people of two countries. #CPEC #CPECMakingProgress pic.twitter.com/GkkXOkXtcQ
— Asim Saleem Bajwa (@AsimSBajwa) August 22, 2020
چینی سفیر نے سی پیک کومزیدبہتراورمفیدبنانےکےعزم کا اعادہ کرتے ہوئے کہا سی پیک سے دونوں ممالک کے عوام مستفید ہوں گے۔
یاد رہے چینی صدر شی جن پنگ کا کہنا تھا کہ سی پیک دونوں ملکوں کے درمیان تذویراتی تعاون اور شراکت داری کی اعلیٰ مثال ہے اور چین مشترکہ مستقبل کیلئے پاکستان کے ساتھ کام کرنے کیلئے تیار ہے۔
شی جن پنگ کا کہنا تھا کہ چین پاکستان اچھےبھائی اورشراکت دارہیں،دونوں میں اسپیشل دوستی ہے، پاکستان اورچین امن وترقی کی رفتار برقرار رکھنے کیلئےکام کررہے ہیں۔
