The news is by your side.

Advertisement

چین کا سی پیک کو خصوصی توجہ دینے پر حکومتِ پاکستان کو شکریہ

اسلام آباد: چینی سفیر نے نے چیئرمین سی پیک اتھارٹی عاصم سلیم باجوہ سے ملاقات میں سی پیک کو خصوصی توجہ دینے پر حکومت پاکستان سے اظہارِ تشکر کیا۔

تفصیلات کے مطابق سی پیک اتھارٹی کے چیئرمین عاصم سلیم باجوہ نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستان میں تعینات چینی سفیر ایچ ای یاو جینگ نے سی پی ای سی اتھارٹی کا دورہ کیا اور چینی حکومت کی جانب سے سی پیک پرکام کی تیز رفتار اور زیادہ توجہ دینے پر حکومت پاکستان کا شکریہ ادا کیا۔

چینی سفیر نے سی پیک کومزیدبہتراورمفیدبنانےکےعزم کا اعادہ کرتے ہوئے کہا سی پیک سے دونوں ممالک کے عوام مستفید ہوں گے۔

یاد رہے چینی صدر شی جن پنگ کا کہنا تھا کہ سی پیک دونوں ملکوں کے درمیان تذویراتی تعاون اور شراکت داری کی اعلیٰ مثال ہے اور چین مشترکہ مستقبل کیلئے پاکستان کے ساتھ کام کرنے کیلئے تیار ہے۔

شی جن پنگ کا کہنا تھا کہ چین پاکستان اچھےبھائی اورشراکت دارہیں،دونوں میں اسپیشل دوستی ہے، پاکستان اورچین امن وترقی کی رفتار برقرار رکھنے کیلئےکام کررہے ہیں۔

Comments

یہ بھی پڑھیں