لاہور : چینی کمپنی چینگ ڈو پاکستان میں 700ملین ڈالر سرمایہ کاری پر رضامند ہوگئی ، چینگ ڈو حکومت کے تعاون سے ای ٹیکسی سروس کا جلد آغاز کرے گی۔
تفصیلات کے مطابق وزیراعلیٰ پنجاب مریم نواز سے چین کےاعلیٰ سطح وفد کی ملاقات ہوئی ، جس میں چینگ ڈو نے 700ملین ڈالر سرمایہ کاری پر رضامندی ظاہر کردی۔
وزیراعلیٰ مریم نواز نے سرمایہ کاری کی اصولی منظوری دی ، چینگ ڈو حکومت کے تعاون سے ای ٹیکسی سروس کا جلد آغاز کرے گی اور نوازشریف آئی ٹی سٹی میں چینی کمپنی کمپیوٹنگ سینٹر بھی قائم کرے گی۔
ملاقات میں نوازشریف آئی ٹی سٹی میں ڈیٹا اور کلاؤڈ سینٹر قائم کرنےپراتفاق کرلیا ، حکومت پنجاب ڈیٹا اور کلاؤڈ سینٹر کیلئے اراضی اوربلڈنگ فراہم کرے گی۔
ملاقات میں پاکستان میں پہلا ای کامرس پلیٹ فارم قائم کرنے پر اتفاق ہوا، چینی کمپنی پاکستانی نوجوانوں کوآن لائن ورلڈوائڈٹریڈنگ کیلئےٹریننگ دے گی۔
اس موقع پر مریم نواز نے کہا کہ چینی تعاون سے پنجاب کوسب سے بڑاآرٹیفشل انٹیلی جنس سینٹربناناچاہتےہیں، پنجاب بہت جلد خطے میں آئی ٹی حب بنے گا۔
