چینی فوج کے ’جیوے پاکستان‘ کے نعرے -
The news is by your side.

Advertisement

چینی فوج کے ’جیوے پاکستان‘ کے نعرے

اسلام آباد: 23 مارچ یوم پاکستان کا دن قریب آتا جارہا ہے اور اس دن کی جانے والی عظیم الشان پریڈ کے لیے تیاریاں زور و شور سے جاری ہیں۔ ریہرسل کے دوران چینی فوج کے دستوں نے ’جیوے جیوے پاکستان‘ نغمہ گا کر دلوں کو گرما دیا۔

رواں برس یوم پاکستان کے موقع پر ہونے والی پریڈ میں پاک فوج کے ساتھ پہلی مرتبہ چینی فوجی دستے بھی شریک ہوں گے۔ پریڈ میں ترک ملٹری بینڈ بھی حصہ لے رہا ہے۔

عظیم الشان پریڈ کی ریہرسل شکر پڑیاں پریڈ گراؤنڈ میں جاری ہیں جہاں چینی فوجی دستے بھی اس میں حصہ لے رہے ہیں۔

مزید پڑھیں: یوم پاکستان پریڈ میں پہلی بار چینی دستے کی شرکت

چینی دستے میں چین کی بحریہ، فضائیہ اور بری فوج کے اہلکار شامل ہیں۔

ریہرسل کی جاری کی جانے والی ایک ویڈیو میں دیکھا جاسکتا ہے کہ چینی دستہ مارچ کرتے ہوئے گزر رہا ہے اور اس دوران وہ مشہور نغمہ ’جیوے جیوے پاکستان‘ گا رہا ہے۔

چینی فوج کی جانب سے پاکستان کے لیے اس دوستی اور محبت کا اظہار یقیناً ہر پاکستانی کا سر فخر سے بلند اور آنکھ نم کردے گا۔

خیال رہے کہ 23 مارچ کو پریڈ کے دوران بری، بحری اور فضائی افواج کی جانب سے بھر پور قوت کا مظاہرہ کیا جائے گا جبکہ دفاعی آلات کی نمائش بھی کی جائے گی۔ اس موقع پر سیکیورٹی کے سخت انتظامات کیے جائیں گے۔

واضح رہے کہ سابق صدر جنرل (ر) پرویز مشرف کے دورحکومت میں سیکیورٹی خدشات کے پیش نظر سالہا سال سے منعقد کی جانے والی یوم پاکستان کی پریڈ کا انعقاد روک دیا گیا تھا جس کا دوبارہ آغاز سات سال بعد 23 مارچ 2015 سے ہوا تھا۔

Comments

comments

یہ بھی پڑھیں