The news is by your side.

Advertisement

چینی مزدوروں نے 16 روز میں ٹریک بحال کردیا، ویڈیو دیکھیں

بیجنگ: چین کے صوبے شنگھائی میں لینڈ سلائیڈنگ سے بری طرح متاثر ہونے والے ریلوے اسٹیشن کی صرف 16 دن میں مرمت کر کے چینی ماہرین نے دنیا کو ورطہ حیرت میں ڈال دیا۔

تفصیلات کے مطابق چین کے صوبے شنگھائی کے شمال مشرقی علاقے میں 14 جولائی کو لینڈ سیلائیڈنگ کا واقعہ پیش آیا تھا جس کے باعث ریلوے اسٹیشن اور ٹریک بری طرح متاثر ہوئے تھے۔

ریلوے ٹریک متاثر ہونے کے بعد ٹرین کی آمد و رفت بند ہوگئی تھی جس کے باعث روزانہ سفر کرنے والے ہزاروں شہریوں کو شدید پریشانی کا سامنا تھا۔

حکومت نے عوامی پریشانی کو دیکھتے ہوئے ٹریک کی فوری بحالی اور مرمت کے احکامات جاری کیے جس کے بعد صوبائی حکومت تمام وسائل بروئے کار لائی اور ہزاروں کاریگروں کی خدمات حاصل کیں۔

چینی ماہرین اور ہزاروں مزدوروں نے حکومت سے مکمل بحالی کے لیے 20 روز مانگے تھے البتہ انہوں نے 14 دن کی شبانہ روز محنت کے بعد ٹریک کو بحال کیا اور ایک نیا سنگ میل عبور کیا۔

مرمتی کام مکمل ہونے کے بعدآج سے محکمہ ریلوے سے دوبارہ اپنی سروس کا آغاز کردیا، پہلی ٹرین کی روانگی کے موقع کو یادگار بنانے اور مزدوروں کو خراج تحسین پیش کرنے کے لیے حکومت نے انوکھا اقدام بھی کیا۔

حکومت کی جانب سے پہلی ٹرین روانہ ہونے سے قبل ایک تقریب منعقد کی گئی، اس موقع پر وہاں تمام مزدور اور انجینئرز موجود تھے جنہوں نے شبانہ روز محنت کر کے ٹریک کو اصلی حالت میں بحال کیا۔

بحالی کے بعد کی ویڈیو


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں