ابوظہبی: چینی صدر شی جن پنگ تین روزہ دورے پر متحدہ عرب امارات پہنچ گئے، جہاں ان کا استقبال حاکم الشیخ محمد راشد بن المکتوم ودیگر نے کیا۔
عرب میڈیا کے مطابق دوبارہ صدر منتخب ہونے کے بعد پہلی بار چینی صدر شی جن پنگ تین روزہ دورے پر متحدہ عرب امارات پہنچ گئے، امارات پہنچنے پر سول و عسکری قیادت نے چینی صدر کا استقبال کیا۔
چینی صدر کے دورے کے موقع پر دونوں ممالک کے درمیان مختلف امور پر تبادلہ خیال کیا جائے گا جبکہ طویل مدتی منصوبوں پر بھی بات چیت کی جائے گی، چینی صدر ابوظہبی کلچرل ایکسچینج کا دورہ کریں گے جسے اہمیت کا حامل قرار دیا جارہا ہے۔
. @HHShkMohd ,@MohamedBinZayed welcome Chinese President Xi Jinping as he arrives in Abu Dhabi’s Presidential airport.#UAEChinaWeek #UAE pic.twitter.com/VDgQ8Uf7RJ
— Dubai Media Office (@DXBMediaOffice) July 19, 2018
شیخ محمد بن راشد کا کہنا تھا کہ متحدہ عرب امارات میں 2 لاکھ چینی شہری رہائش پذیر ہیں اور چار ہزار چائنیز ٹریڈنگ کمپنیز متحدہ عرب امارات میں سرمایہ کاری کررہی ہیں جبکہ چین کے ساتھ طویل مدتی منصوبوں پر عملدرآمد ہمارے لیے اہمیت کا حامل ہوگا۔
تستحوذ الإمارات على حوالي ربع التجارة العربية مع الصين بما يقارب ال200 مليار درهم في 2017 ، وزارنا أكثر من مليون صيني في 2017 ، ولدينا شراكات في قطاعات النفط والطاقة المتجددة والبنية التحتية والتكنولوجيا … نسعى لمضاعفة هذه الأرقام الفترة القادمة pic.twitter.com/N01bN6ve0x
— HH Sheikh Mohammed (@HHShkMohd) July 19, 2018
شیخ محمد بن النہیان اور ڈپٹی سپریم کمانڈر یو اے ای کا کہنا تھا کہ چین خطے اور اس کے معاشی مستقبل کے استحکام میں اہم کردار ادا کرتا ہے۔
چینی زبان میں ڈرائیونگ لائسنس کا اجراء
دوسری جانب چینی صدر کے دورے سے قبل متحدہ عرب امارات کی جانب سے پہلی بار چینی زبان میں ڈرائیونگ لائسنس کا اجراء کیا گیا ہے۔
بریگیڈیئر ابوظہبی پولیس کا کہنا ہے کہ یہ اقدام دوستانہ ممالک کے درمیان تاریخی تعلقات کی عکاسی کرتا ہے۔
واضح رہے کہ متحدہ عرب امارات میں سرکاری سطح پر عربی زبان بولی جاتی ہے اور تمام دستاویزات بھی عربی میں ہی ہیں تاہم یہ پہلا موقع ہے کہ حکومت نے چینی زبان میں ڈرائیونگ لائسنس کا اجراء کیا ہے۔
ابوظہبی پولیس کی جانب سے ویڈیو جاری کی گئی ہے جس میں چین اور متحدہ عرب امارات کی مضبوط سفارتکاری اور اقتصادی تعلقات کا مشاہدہ کیا گیا ہے۔