The news is by your side.

Advertisement

دھوپ سے بچاؤ کی کریم کا استعمال خطرناک، خاتون کی دس پسلیوں میں فریکچر

بیجنگ: سورج کی شعاعوں سے بچنے کی کریم  استعمال کرنے والی نوجوان لڑکی کی 10 سے زائد پسلیاں فریکچر ہوگئیں۔

چینی میڈیا رپورٹ کے مطابق مشرقی چین کے صوبے ژی جیانگ کی رہائشی 20 سالہ لڑکی سورج کی شعاعوں سے محفوظ رہنے کے لیے روزانہ سن بلاک کا استعمال کرتی تھی جس کا نتیجہ خوفناک صورت میں سامنے آیا۔

اہل خانہ کے مطابق مریضہ کو اُلٹی (قے) ہونے کے بعد پسلیوں میں شدید درد کی شکایت ہوئی جس کے بعد اُسے اسپتال منتقل کیا گیا، ڈاکٹرز نے معائنے کے بعد چند ٹیسٹ کرائے جس میں خوفناک انکشاف ہوا۔

رپورٹس آنے کے بعد ڈاکٹر نے انکشاف کیا کہ مریضہ کی پسلیوں میں 10 سے زائد جگہ فریکچر ہے۔ طبی ماہرین نے فریکچر کی وجہ بیان کی کہ خواتین کی ہڈیاں قدرتی طور پر نازک ہوتی ہیں اور سن بلاک انہیں مزید کمزور کرتا ہے۔

مزید پڑھیں: رنگ گورا کرنے والی کریمیں کینسر کا خطرہ بڑھا سکتی ہیں، برطانوی وارننگ

ڈاکٹرز کا کہنا ہے کہ سن بلاک استعمال کرنے کی وجہ سے جسم میں وٹامن ڈی کی افزائش کا عمل رک جاتا ہے ، ایسی صورت میں کسی بھی ہڈی پر زرا زور پڑے تو وہ فریکچر ہوجاتی ہے۔ رپورٹ میں یہ بات سامنے آئی کہ سن بلاک استعمال کرنے کی وجہ سے لڑکی کے خون میں فاسفورس کی مقدار کم ہوگئی تھی۔

ڈاکٹرز نے مریضہ کی حالت خطرے سے باہر قرار دی اور کہا کہمکمل علاج کے بعد ہی خاتون کو گھر جانے کی اجازت دی جائے گی۔

fb-share-icon0
Tweet 20

Comments

comments

یہ بھی پڑھیں