بانی ایم کیو ایم کا معاملہ پاک برطانیہ تعلقات میں حائل ہے، چوہدری نثار -
The news is by your side.

Advertisement

بانی ایم کیو ایم کا معاملہ پاک برطانیہ تعلقات میں حائل ہے، چوہدری نثار

لندن : وفاقی وزیر داخلہ چوہدری نثار نے برطانوی وزیر اعظم اور دیگرحکام سے ہونے والی ملاقاتوں کو اطمینان بخش قرار دیتے ہوئے کہا ہے کہ چاہتاہوں بانی ایم کیو ایم کا معاملہ روڈ بلاک نہ بنے کیوں کہ بانی ایم کیو ایم کا معاملہ پاک برطانیہ کے درمیان رکاوٹ ہے۔

لندن میں پاکستانی ہائی کمیشن میں پریس کانفرنس کرتے ہوئے وفاقی وزیر داخلہ چوہدری نثار نے بتایا کہ برطانوی وزیراعظم اوردیگر حکام سے ملاقاتیں بامقصد رہی ہیں،ملاقات میں پاک برطانیہ تعلقات کو مزید مستحکم، خوشگوار اور مفید بنانے کے عزم کا اظہار اور خطےمیں امن کےقیام کے لیے شانہ بشانہ کام کرنے پر اتفاق کیاگیا ہے۔

وفاقی وزیر داخلہ چوہدری نثارکا کہنا تھا برطانوی حکام سے ملاقات میں پاکستان کے اندرونی معاملات میں بھارتی مداخلت کا معاملہ بھی اٹھایا گیا اور برطانیہ کی سرزمین سے پاکستان میں انتشار اور فساد پھیلانے پر اپنی تشویش سے بھی برطانیہ کو آگاہ کیا ہےجس پہ برطانوی حکام سے سنجیدگی سے غور کرنے کا یقین کرایا ہے ۔

وفاقی وزیر داخلہ نے کہا کہ منی لانڈرنگ کیس کی تفتیش کے طریقہ کار پر تشویش ہے جس سے برطانیہ کےجوڈیشل سسٹم پر سوالات اٹھ رہے ہیں جس پر برطانوی حکومت کو غور کرنے کی ضرورت ہے۔

وزیر داخلہ چوہدری نثار نے کہا کہ عمران فاروق قتل کیس کا معاملہ پاکستان میں منطقی انجام تک پہنچایا جا ئےگا برطانوی ہوم سیکریٹری سے عمران فاروق کیس پر ہر شواہد کا تبادلہ کیا ہے تا ہم پاکستان میں ،موجود عمران فاروق قتل کیس کے تینوں ملزمان کو برطانیہ لینا نہیں چاہتا۔

Comments

comments

یہ بھی پڑھیں