تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

چوک اعظم کے رہائشی نوجوان کا بڑا کارنامہ

لیہ: پنجاب کے ضلع لیہ سے تعلق رکھنے والے ایک نوجوان نے الیکٹریکل منی ٹریکٹر بنا کر لوگوں کو حیران کر دیا۔

تفصیلات کے مطابق شاعر مشرق علامہ اقبال نے کہا تھا کہ ’ذرا نم ہو تو یہ مٹی بڑی زرخیز ہے ساقی‘، اس مصرع کی عملی مثال پیش کرتے ہوئے لیہ کے شہر چوک اعظم کے رہائشی خالد نے ایک منی الیکٹریکل ٹریکٹر بنا لیا ہے۔

خالد کا تعلق چوک اعظم کے نواحی گاؤں چک نمبر 334 ٹی ڈی اے سے ہے، خالد کا تیار کردہ منی ٹریکٹر ایک بڑے ٹریکٹر کی طرح کھیتوں میں چلتا ہے اور اس کی خوبی یہ ہے کہ اسے ڈیزل یا پیٹرول کی ضرورت نہیں بلکہ یہ بیٹری سے چلتا ہے۔

نوجوان کا کہنا ہے کہ اگر حکومت سرپرستی کرے تو وہ مزید بہتر اور بڑے ٹریکٹر بھی بنا سکتا ہے۔

خالد نے اے آر وائی نیوز کے نمائندے کوثر عباس شاہ سے بات چیت کرتے ہوئے بتایا کہ اس منی ٹریکٹر کو انھوں نے محض 40 ہزار روپے کی لاگت سے تیار کیا، یہ منی ٹریکٹر 80 کلو تک وزن بھی کھینچ سکتا ہے۔

یہ الیکٹریکل ٹریکٹر واقعی ایک شاہ کار ہے، ڈیزل سے چلنے والے ٹریکٹرز فضائی آلودگی کا سبب بن رہے ہیں، الیکٹریکل ٹریکٹر سے جہاں فضائی آلودگی کم ہوگی وہیں زراعت کے شعبے میں ایک بڑا انقلاب بھی برپا ہوگا۔

دل چسپ بات یہ ہے اس ٹریکٹر کی چند ویڈیوز بھی بنائی گئی ہیں جن میں چھوٹے بچے اسے چلاتے دکھائی دے رہے ہیں، جس سے یہ کھلونا ٹریکٹر معلوم ہوتا ہے۔

Comments

- Advertisement -