یونیورس باس کرس گیل کی جانب سے شاہ رخ خان کی فلم ’ڈنکی‘ کے گانے ’لٹ پٹ گیا‘ پر ڈانس کرنے کی ویڈیو وائرل ہوگئی۔
بالی وڈ کے بادشاہ خان کی فلم ’ڈنکی‘ کا نیا گانا ریلیز ہوا ہے جس شائقین کی جانب سے کافی پسند کیا جارہا ہے۔ گانے ’لٹ پٹ‘ گیا کو ارجیت سنگھ نے اپنی آواز دی ہے جسے اب تک 61 ملین سے زائد لوگ دیکھ چکے ہیں۔
اس گانے کی مقبولیت نے ویسٹ انڈیز کے جارح مزاج بیٹر کرس گیل کو بھی اپنے سحر میں جکڑ لیا اوروہ اس گانے پر ایک خاتون کے ساتھ تھرکتے دکھائی دے رہے ہیں۔
انٹرنیٹ پر وائرل ہونے والی ویڈیو میں یونیورس باس شاہ رخ خان کی فلم کے گانے ’لٹ پٹ گیا‘کی دھن پر اپنے رقص کے جوہر دکھا رہے ہیں اور کافی خوش بھی ہیں۔
Chris Gayle dancing on Shah Rukh Khan's Lutt Putt Gaya song. pic.twitter.com/CDIhv44pZq
— Mufaddal Vohra (@mufaddal_vohra) December 14, 2023
اپنے بلے بازی کی وجہ سے دنیا بھر میں مشہور کرکٹر کے ڈانس کی یہ ویڈیو تیزی سے وائرل ہو گئی ہے۔ فلم اور کرکٹ شائقین دونوں ہی ان کے اس ڈانس کو کافی پسند کررہے ہیں۔