اسلام آباد: پاک بحریہ کے کمانڈ اینڈاسٹاف کانفرنس میں کروناوائرس کے باعث آپریشنل تیاریوں کے ساتھ امدادی سرگرمیاں جاری رکھنے کے عزم کا اظہار کیا گیا ہے۔
ترجمان پاک بحریہ کا کہنا ہے کہ نیول ہیڈکوارٹرز میں پاک بحریہ کی کمانڈاینڈاسٹاف کانفرنس منعقد ہوئی۔ نیول چیف ایڈمرل ظفر محمود عباسی نے کانفرنس کی صدارت کی۔
اس موقع پر فیلڈکمانڈرز نے ویڈیولنک کے ذریعے کانفرنس میں شرکت کی۔ اجلاس میں خطے کی سیکیورٹی صورتحال اور پاک بحریہ کی آپریشنل تیاریوں کاجائزہ لیا گیا، کانفرنس میں جوانوں کے تربیتی، فلاحی امور کا بھی جائزہ لیا گیا۔
پاک فوج 3 لاکھ 50 ہزار امدادی پیکجز کی تقسیم میں مصروف ہے: آئی ایس پی آر
’نیول چیف کو پاک بحریہ کے جاری اور مستقبل کے منصوبوں پر بریفنگ دی گئی۔ کانفرنس میں نیول چیف نے پاک بحریہ کی آپریشنل تیاریوں پر مکمل اطمینان کا اظہار کیا‘۔
خیال رہے کہ ملک میں عسکری اور سیاسی قیادت مل کر کروناوائرس کے خلاف جنگ میں کمربستہ ہیں۔
