قصور: پنجاب پولیس نے چونیاں کے علاقے کھڈیاں میں کارروائی کرکے اشتہاری کینگ کے تین ملزمان کو گرفتار کرلیا۔
تفصیلات کےمطابق پنجاب پولیس نے چونیاں کے علاقے کھڈیاں میں کارروائی کے دوران 3 اشتہاری ملزمان کو گرفتارکرکےاسلحہ،32لاکھ روپے اور پانچ تولےطلائی زیورات برآمد کرلیے۔
پولیس حکام کا کہناہےکہ ملزمان سےبرآمدہونےوالی رقم،زیورات مالکان کےسپردکردیے گئے۔پولیس کے مطابق تینوں اشتہاری ملزمان ملزمان ڈکیتی،نقب زنی کی متعددوارداتوں میں مطلوب تھے۔
ڈی پی اوقصورنے پولیس پارٹی کوچونیاں میں کارروائی کے دوران اشتہاری ملزمان کی گرفتاری پر نقدانعام اورسرٹیفکیٹ دینےکااعلان کیا ہے۔
مزید پڑھیں:گوجرانوالہ میں سی ٹی ڈی کی کارروائی،5دہشتگردہلاک
یاد رہے کہ صوبہ پنجاب کے شہر گوجرانوالہ میں سی ٹی ڈی نے کارروائی کے دوران کالعدم تنظیم کے 5 مبینہ دہشت گرد ہلاک کردیے تھے۔
سی ٹی ڈی حکام کا کہناتھاکہ کارروائی کے دوران ہلاک ہونے والے پانچوں دہشت گردوں کا تعلق کالعدم تنظیم سےتھا اور ان کے قبضے سے2کلاشنکوف،دستی بم اور بارودی مواد برآمد ہواتھا۔
مزید پڑھیں:لاہور میں ایف آئی اے کی کارروائی،اشتہاری ملزم گرفتار
واضح رہےکہ گزشتہ روز ایف آئی اے نے لاہور میں کارروائی کرکے 15سال سے مفرور اشتہاری ملزم کو گرفتار کیا تھا۔ایف آئی حکام کے مطابق ملزم فراڈ سمیت متعدد مقدمات میں مطلوب تھا۔