اٹک : سائفر کیس میں چیئرمین پی ٹی آئی کی ضمانت کی درخواست تیار کرلی گئی ، بیرسٹر سلمان صفدر نے بتایا کہ یہ اسٹیج ضمانت کی بنتی ہے اس لیے آج ضمانت کی درخواست دائر کریں گے۔
تفصیلات کے مطابق چیئرمین پی ٹی آئی کی لیگل ٹیم کی جانب سے سائفر کیس میں ضمانت کی درخواست تیار کر لی گئی۔
بیرسٹر سلمان صفدر نے کہا کہچیئرمین پی ٹی آئی کے خلاف آفیشل سیکرٹ ایکٹ کا مقدمہ بنتا ہی نہیں، یہ اسٹیج ضمانت کی بنتی ہے اس لیے آج ضمانت کی درخواست دائر کریں گے۔
سلمان صفدر کا کہنا تھا کہ ٹرائل شروع نہیں ہوا ثبوت ٹرائل کے دوران دیے جاتے ہیں، چیئرمین پی ٹی آئی کے خلاف سیاسی مقدمات بنائے جا رہے ہیں۔
خیال رہے چیئرمین پی ٹی آئی کے خلاف سائفر کیس کی سماعت اٹک جیل میں ہوگی ، جج ابوالحسنات ذوالقرنین اٹک جیل کےاندر پہنچ گئے ہیں۔
وزارت قانون نے سائفر کیس کی سماعت اٹک جیل میں کرنے کی اجازت دی تھی، سائفر کیس کی اٹک جیل میں سماعت کا فیصلہ سکیورٹی خدشات کے پیش نظر کیا گیا تھا۔
پولیس نےنعیم پنجوتھہ کی سربراہی میں آنےوالی لیگل ٹیم کوروک لیا ، لیگل ٹیم نےجیل کےاندر ہونےوالی سماعث میں شامل ہونا تھا۔
