راولپنڈی : سائفر کیس میں چیئرمین پی ٹی آئی اور وائس چیئرمین شاہ محمود قریشی پر آج فرد جرم عائد ہونے کا امکان ہے۔
تفصیلات کے مطابق راولپنڈی میں سیکرٹ ایکٹ سے متعلق سائفر کیس کی اڈیالہ جیل میں آج تیسری سماعت ہوگی ، کیس کی سماعت خصوصی عدالت کےجج ابوالحسنات ذوالقرنین کریں گے۔
سماعت میں چیئرمین پی ٹی آئی اور شاہ محمودقریشی پر آج فرد جرم عائد ہونے کا امکان ہے۔
گذشتہ سماعت میں ملزمان کو چالان کی نقول9اکتوبرکو فراہم کردی گئیں تھیں، جس کے بعد عدالت نے چیئرمین پی ٹی آئی اور شاہ محمود پر فرد جرم عائد کرنے کیلئے 17 اکتوبر مقرر کی تھی۔
خیال رہے چیئرمین پی ٹی آئی نے سائفر کیس میں فرد جرم عائد کرنے کا حکم چیلنج کر رکھا ہے ، جس میں 9 اکتوبر کے ٹرائل کورٹ حکم کو کالعدم قرار دینے کی استدعا کی گئی ہے۔
درخواست میں کہا گیا تھا کہ ٹرائل کورٹ نےلکھاکیس کی نقول وصول کرلیں حالانکہ وصول نہیں کیں ، جیل سماعت کیخلاف ہائیکورٹ فیصلےکابھی ٹرائل کورٹ نے انتظارنہیں کیا۔
