صوابی : پولیس اہلکار نے سوشل میڈیا پیج کے پوسٹ پر کمنٹ کرنے پر شہری کو تشدد کا نشانہ بنایا اور دھمکیاں دیں شہری نے اپیل کی کہ اعلیٰ حکام واقعے کا نوٹس لے کر مجھے انصاف دلائیں۔
تفصیلات کے مطابق سوشل میڈیا پیج کے پوسٹ پر کمنٹ کرنا شہری کو مہنگا پڑگیا، پولیس اہلکار شہری کی دکان پر پہنچ گئے اور دکاندار پر تشدد کرتے ہوئے دھمکیاں دیں۔
اے ایس آئی ساجد عالم دیگر 2 اہلکاروں کے ساتھ شہری کی دکان پر آیا، پولیس اہلکار نے باز پرس کے بعد شہری پر تھپڑوں کی بارش کردی۔
شہری نے کہا کہ سوشل میڈیا پر ایک پیج سے پولیس اہلکار کیخلاف پوسٹ ہوا، جس پرکمنٹ کیا تھا اور الزام عائد کیا کہ پولیس اہلکار نے پہلے دھمکیاں دیں اور پھر مجھے مارا۔
شہری نے اپیل کی کہ اعلیٰ حکام واقعے کا نوٹس لے کر مجھے انصاف دلائیں۔
