کراچی: شارع فیصل پر پول گرنے سے شہری کے جاں بحق ہونے کا واقعہ پیش آیا ہے جبکہ حادثے میں اس کی ننھی بیٹی کا ہاتھ ٹوٹ گیا۔
پول گرنے کے واقعے میں زخمی ہونے والی خاتون فاطمہ نے اے آر وائی نیوز سے گفتگو کرتے ہوئے بتایا کہ ہمارے گھر کا سربراہ اور واحد کفیل انتقال کرگیا، پورا خاندان تباہ ہوگیا ہے۔
بیوہ کا گفتگو کرتے ہوئے مزید کہنا تھا کہ حادثے کے بعد کسی نے رابطہ کیا نہ ہی کسی نے مدد کی، بیٹی کا ہاتھ ٹوٹ چکا ہے، اسپتال میں زیرعلاج ہے، لاکھوں روپے کا خرچہ ہے۔
کراچی : گیارہ سالہ بچی پراسرار گولی لگنے سے جاں بحق
موٹرسائیکل سوارشہری کے جاں بحق ہونے کے واقعے کا مقدمہ تاحال درج نہیں ہوسکا ہے، پول گرنے سے ایک شخص جاں بحق، اسکی اہلیہ اور بیٹی زخمی ہوئے تھے۔
دریں اثنا کورنگی ویٹا چورنگی پر ٹینکر کی ٹکرسے شہری کے جاں بحق ہونے کا واقعہ پیش آیا ہے، فوٹیج میں ٹینکر کو ریورس میں آتے ہوئے دیکھا جاسکتا ہے، فوٹیج میں ٹینکر کو متوفی ہاشم کو ٹکر مارتے دیکھا جاسکتا ہے۔
شہری کو کچلنے کے بعد ٹینکر ڈرائیور فرار ہونے میں کامیاب ہوگیا، پولیس تاحال ٹینکر ڈرائیور کو گرفتار نہیں کرسکی ہے۔
