کراچی : شہری کا موبائل چھیننے والے ڈاکوؤں کو لینے کے دینے پڑگئے، شہری نے ڈاکو کو دھکا دیکر نیچے گرا دیا اور دبوچ لیا۔
تفصیلات کے مطابق کراچی میں کشمیرروڈ پر شہری نے ڈکیتی کی کوشش ناکام بنادی، شہریوں نے تشدد کے بعد ڈاکو کو پولیس کے حوالے کردیا۔
واردات کی سی سی ٹی وی فوٹیج اے آروائی نیوز نے حاصل کرلی، جس میں دیکھا جا سکتا ہے کہ ملزمان کی شہری سے بغیراسلحہ کے موبائل چھیننے کی کوشش کی۔
- Advertisement -
فوٹیج میں دکھایا گیا ہے کہ ملزمان شہری کو اکیلا دیکھ کر موٹرسائیکل روکتے ہیں ، ایک ڈاکو اتر کرموبائل چھینتا ہے لیکن ڈاکوؤں کو شہری دھکا دیکر نیچے گرا دیتا ہے۔
جس کے بعد شہری ایک ڈاکو کو دبوچ لیتا ہے جبکہ دوسرا فرار ہوجاتا ہے۔
