کراچی: ماڈل کالونی میں شہری کو گاڑی سمیت اغوا کیے جانے کا واقعہ پیش آیا ہے، اغوا کی سی سی ٹی وی فوٹیج سامنے آگئی۔
تفصیلات کے مطابق کراچی میں شہری کو دن دہاڑے اسلحے کے زور پر کار سوار ملزمان نے ڈبل کیبن گاڑی سمیت اغوا کیا شہری کے اغواکی سی سی ٹی وی فوٹیج بھی سامنے آئی ہے، ملزمان نے شہری کا راستہ روکا اور اسلحے کے زور پر یرغمال بنایا۔
پولیس نے بتایا کہ ملزمان نے گاڑی، موبائل فون، نقدی چھینی، نوجوان کو شہر کے باہر اتار دیا، متاثرہ نوجوان خالد کے بھائی کی مدعیت میں مقدمہ درج کرلیا گیا۔
خاتون کو اغوا کرنے کی کوشش کرنے والا ملزم گرفتار
مقدمے کے متن میں بتایا گیا ہے کہ اغوا کرنے والے ملزمان نے متاثرہ نوجوان خالد کو ناردرن بائی پاس پر چھوڑ دیا تھا۔
مدعی علی نواز نے کہا کہ واقعہ ایک روز قبل ہوا،پولیس نےکوئی کارروائی نہیں کی، ایف آئی آر کے مطابق گاڑی فیصل ایوب نامی شخص کےنام پر رجسٹرڈ ہے۔
