The news is by your side.

Advertisement

وزیر داخلہ کیخلاف مقدمے کیلیے تھانے میں درخواست جمع

گوجرانوالہ: شہری نے مذہبی جذبات کو ٹھیس پہنچانے پر وفاقی وزیر داخلہ رانا ثناءاللہ کیخلاف مقدمے کےاندراج کی درخواست دے دی ہے۔

میڈیا رپورٹ کے مطابق گوجرانوالہ کے شہری امیر حمزہ نے وزیر داخلہ رانا ثناء اللہ کیخلاف اندراج مقدمے کیلئے درخواست جمع کروادی ہے، شہری کی جانب سے درخواست تھانہ صدر گوجرانوالہ میں جمع کروائی گئی ہے، جس میں وزیراعظم شہباز شریف، احسن اقبال، شاہد خاقان کو بھی فریق بنایا گیا ہے۔

شہری کی جانب سے درخواست میں موقف اپنایا گیا ہے کہ ایک انٹرویو میں رانا ثنا اللہ نے نوازشریف کے استقبال کو حج سے بڑا کام قرار دیا تھا، کسی شخص کے استقبال کو حج سے بڑا کام قرار دینا مذہبی روایت کے منافی ہے۔

درخواست گزار نے کہا کہ راناثنا اللہ کے بیان سے بحیثیت مسلمان جذبات کو ٹھیس پہنچی، رانا ثنا اللہ کے بیان سے عالمی سطح پر پاکستان کی بدنامی ہوئی۔

درخواست گزار نے الزام لگایا کہ رانا ثناء اللہ نے یہ بیان پارٹی قیادت کے مشورے پر دیا، ملزمان کیخلاف مختلف دفعات کے تحت مقدمہ درج کیا جائے۔

Comments

یہ بھی پڑھیں