ترکیہ میں صدی کے بدترین زلزلے میں بچ جانے والے شہری نے آنکھوں دیکھا حال بتاتے ہوئے کہا یہ بہت ہی خطرناک اور ڈراؤنا تھا۔
تفصیلات کے مطابق ترکیہ میں صدی کے بدترین زلزلے سے عمارتیں برباد اور انفراسٹرکچر تباہ ہوگیا، جس سے ہرسمت تباہی ہی تباہی چھاگئی ہے۔
زلزلے میں بچ جانے والے شہری نے زلزلے کے وقت کے بارے میں گفتگو کرتے ہوئے بتایا کہ جس وقت زلزلہ آیا ہم سو رہے تھے ، میری اہلیہ نے مجھے اٹھایا، یہ بہت ہی خطرناک اور ڈراؤنا تھا، ہم مشکل سے جان بچا کر باہر نکلے تو ہر طرف تباہی ہی تباہی تھی۔
شہری کا کہنا تھا کہ لوگ ملبے تلے دبے اپنے پیاروں کو تلاش کر رہے ہیں ، اس زمین بوس عمارت میں میرے دوست کا گھر تھا، جس میں سے بیوی اور بچوں کو ریسکیو کرلیا، بیٹی کا ہاتھ ٹوٹ گیا لیکن میرے دوست کا کچھ پتا نہیں۔
زلزلے کا مرکزجنوبی صوبےکرامن مراس اور گہرائی اکیس اعشاریہ چار کلومیٹر تھی جبکہ شدت سات اعشاریہ آٹھ ریکارڈ کی گئی ، جھٹکے ایک منٹ سے زیادہ دیرتک محسوس کیے گئے۔
دیارباقراور سلی عرفہ میں گرتی عمارتوں کے مناظر نے دل دہلا دیے، ترک میڈیا کے مطابق کئی عمارتوں کو نقصان پہنچا بکہ صوبہ حاطے میں قدرتی گیس پائپ لائن پھٹ گئی، جس کےباعث ہر سمت آگ ہی آگ پھیل گئی۔
ترک وزیرداخلہ کےمطابق دس صوبےشدید متاثرہوئے اور اب تک پچاس سے زیادہ آفٹرشاکس آچکے ہیں۔
