The news is by your side.

Advertisement

کراچی میں اسٹریٹ کرائم سے تنگ شہریوں نے ڈاکوؤں کو پکڑکر درگت بنا ڈالی

کراچی : کورنگی اور گلشن اقبال میں 3 ڈاکو شہریوں کے ہتھے چڑھ گئے، شہریوں نے مار مار کر ملزمان کی درگت بناڈالی اور پولیس کے حوالے کردیا۔

تفصیلات کے مطابق اسٹریٹ کرائم سے تنگ شہری جان کی پرواہ کئے بغیر ڈاکووں سے مقابلہ کرنے لگے، کورنگی اور گلشن اقبال میں 3ڈاکو شہریوں کے ہتھے چڑھ گئے، شہریوں نے مار مار کر ملزمان کی درگت بناڈالی۔

کورنگی میں پکڑے گئے ملزم کی شٹ اتار کر تشدد کا نشانہ بنایا گیا جبکہ گلشن سے بھی پکڑے جانے والے دونوں ڈاکووں کو بدترین تشدد کا نشانہ بنایا۔

ملزمان شہریوں کو لوٹ کر فرار ہونے کی کوشش کر رہے تھے ، ڈاکووں کی پٹائی کے دوران پولیس بھی آپہنچی اور شہریوں نے پکڑے گئے تینوں ملزمان کورنگی اور گلشن اقبال پولیس کے حوالے کردیئے۔

گذشتہ روز بھی کراچی کے علاقے گلشن جمال میں فوڈ ڈیلیوری بوائز کا روپ دھار کر وارداتیں کرنے والے ملزمان شہریوں کے ہتھے چڑھ گئے تھے ، شہریوں نے ملزمان کو پکڑ کر پولیس کے حوالے کردیا تھا۔

پولیس کے مطابق ملزمان ڈیلیوری بوائے کا روپ دھار کر شہریوں سے موبائل فون چھینتے تھے، دونوں ملزمان شہری سے چھینا جھپٹی کے بعد فرار ہورہے تھے۔

Comments

یہ بھی پڑھیں