کراچی: ڈکیتوں نے آن لائن رائڈرز کے روپ میں بھی وارداتیں شروع کردیں، پولیس نے ایسے ہی ایک موٹرسائیکل سوار کو گرفتار کرلیا۔
نیوٹاؤن پولیس نے کارروائی کرتے ہوئے ایسے ہی آن لائن موٹرسائیکل رائڈر کو حراست میں لے لیا ہے، مذکورہ ڈاکو پولیس کی نظروں سے بچنے کے لیے موٹرسائیکل رائڈر کے روپ میں شہریوں سے ڈکیتی کی وارداتیں کرتا تھا۔
پولیس نے بتایا کہ ڈاکو شہریوں کے ساتھ واردات کرنے کے بعد اپنا اسلحہ بیگ میں چھپا کر موٹرسائیکل رائیڈرکا ہیلمٹ پہن لیتا تھا۔
- Advertisement -
ڈاکو امجد خان نے کار سوار شہری کو اسلحے کے زور پر واردات کا نشانہ بنایا تھا، ڈاکو شہری سے موبائل فون چھیننے کے بعد فائرنگ کرتے ہوئے فرار ہوگیا تھا۔
