The news is by your side.

Advertisement

دبئی اور شارجہ کے شہریوں کو بڑی سہولت مل گئی

دبئی: دبئی اور شارجہ کے درمیان بسوں کے پانچ نئے روٹس کا اضافہ کردیا گیا ہے، یہ روٹس رواں سال دسمبر میں فکنشنل ہونگے۔

بین الاقوامی میڈیا رپورٹ کے مطابق دبئی ٹرانسپورٹ اینڈ روڈز اتھارٹی میں منصوبہ بندی ادارے کے ڈائریکٹر عادل شاکری نے بتایا کہ رواں سال کے اختتام سے قبل دبئی اور شارجہ کے درمیان بسوں کے پانچ نئے روٹس کھول دیے جائیں گے، یہ کام شارجہ ٹرانسپورٹ اتھارٹی کے تعاون سے بس سروس میں سہولت پیدا کرنے کے لیے انجام دیا جائے گا۔

ڈائریکٹر ٹرانسپورٹ اتھارٹی کا کہنا تھا کہ الخان اور الممزر کو ملانے کے بعد دبئی اور شارجہ کو جوڑنے والے اس روڈ کے افتتاح سے پبلک ٹرانسپورٹ کی حوصلہ افزائی ہوگی۔ ٹریفک اژدہام کم ہوگا اور سفر کا دورانیہ بھی کم ہوگا۔

بس روٹ ای تین سو تین دبئی اور الجبیل میں الاتحاد میٹرو اور شارجہ میں الجبیل میٹرو اسٹیشنوں کے درمیان قائم کیا گیا ہے، اس روٹ پر روزانہ دو منزلہ 10 بسیں چل رہی ہیں۔دبئی ٹرانسپورٹ اینڈ روڈز اتھارٹی نے رواں ہفتے کے شروع میں پبلک بسوں کا ایک اور روٹ شروع کیا تھا، اس سے میٹرو اسٹیشن آنے جانے والوں کو بے حد سہولت ہورہی ہے، یہ انڈسٹریل زون القصیص سے النھدۃ میٹرو اسٹیشن کے لیے ہے، اس سے مصروف ترین اوقات میں پندرہ منٹ لگتے ہیں۔

یاد رہے کہ دبئی اور شارجہ کے درمیان سفر کے لیے سمندری روٹ بھی ہے جس کا افتتاح رواں سال 27 جولائی کو کیا گیا تھا۔

Comments

یہ بھی پڑھیں