تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

ابشر اکاؤنٹ کے حوالے سے تارکین وطن اور سعودی میں مقیم شہریوں کیلئے اہم خبر

سعودی ٹریفک پولیس نے کہا ہے کہ ڈرائیونگ لائسنس کی تجدید کی سہولت ابشر اکاؤنٹ پرموجود ہے تاہم تجدید کے لیے اپلائی کرنے سے پہلے مقررہ اور منظور شدہ اسپتال سے میڈیکل چیک اپ کا سرٹیفکیٹ حاصل کرنا ضروری ہے۔

ٹریفک پولیس کے ٹوئٹر اکاؤنٹ پر ایک صارف نے پوچھا تھا کہ ڈرائیونگ لائسنس کی تجدید کرانے کے لیے فیس جمع کرائی مگرابشر اکاؤنٹ پر جب تجدید کی کمانڈ دی جاتی ہے توکارروائی مکمل نہیں ہوتی اس صورت میں کیا کروں؟

اس کے جواب میں ٹریفک پولیس کا کہنا تھا کہ ڈرائیونگ لائسنس کی تجدید کی سہولت ابشر اکاؤنٹ پرموجود ہے تاہم اس کے لیے لازمی ہے کہ مقررہ اور منظور شدہ اسپتال سے میڈیکل چیک اپ کا سرٹیفکیٹ حاصل کیا جائے۔

ٹریفک پولیس نے یہ بھی بتایا کہ بعدازاں جتنی مدت کے لیے لائسنس تجدید کرانا ہو، اس کی فیس ادا کرنے کے بعد تجدید کی کمانڈ دی جائے۔

واضح رہے طبی معائنے میں نظر کا بہت ٹیسٹ اہم ہوتا ہے اس کےعلاوہ بلڈ گروپ بھی درج کیا جاتا ہے۔ میڈیکل چیک اپ ایسے اسپتال سے کرانا ضروری ہوتا ہے جو ٹریفک پولیس کے سسٹم سے منسلک ہو۔

میڈیکل چیک اپ کی رپورٹ ٹریفک پولیس کے سسٹم میں خود کارطریقے سے طبی ادارہ ارسال کرتا ہے جس کے بعد پانچ یا 10برس کے لیے مقررہ فیس ادا کی جاتی ہے۔

یاد رہے ٹریفک قوانین کی خلاف ورزی پرعائد شدہ چالان کی عدم ادائیگی کی وجہ سے بھی ڈرائیونگ لائسنس کی تجدید ممکن نہیں ہوتی۔

ٹریفک چالان موجود ہونے کی صورت میں جب تک ادائیگی نہ کی جائے ڈرائیونگ لائسنس تجدید نہیں کرایا جا سکتا۔

یاد رہے گاڑی خریدتے وقت خریدار کے نام سے موٹروہیکل انشورنس بھی حاصل کرنا ضروری ہوتا ہے جس کے لیے مقررہ کمپنی سے انشورنس سکیم حاصل کی جائے جو ٹریفک پولیس کے سسٹم میں رجسٹرڈ اور منظورشدہ ہو۔

Comments

- Advertisement -