The news is by your side.

Advertisement

شدید بارش کی وجہ سے شہری غیرضروری گھر سے باہر نہ نکلیں،کمشنر کراچی

کراچی: کمشنر کراچی ڈاکٹر سہیل راجپوت کا کہنا ہے کہ بارشوں کےنقصانات سے بچنے اور نکاسی کے لیے انتظامیہ کام کر رہی ہے۔

تفصیلات کے مطابق کمشنر کراچی ڈاکٹر سہیل راجپوت نے کہا ہے کہ شدید بارش کی وجہ سے شہری غیرضروری گھر سے باہر نہ نکلیں۔

ڈاکٹر سہیل راجپوت کا کہنا تھا کہ بارشوں کے نقصانات سے بچنے اور نکاسی کے لیے انتظامیہ کام کر رہی ہے،شہری احتیاط برتیں، بجلی کے پولز اور تاروں سے دور رہیں۔

واضح رہے کہ کراچی کے مختلف علاقوں میں موسلادھار بارش کا سلسلہ جاری ہے جس سے شہر کی سڑکیں ایک بار پھر تالاب بن گئیں جبکہ شدید بارش سے حدنگاہ بھی کم ہوگئی۔

ڈائریکٹر محکمہ موسمیات نے بتایا کہ بحیرہ عرب میں بننے والا سسٹم کمزور پڑ گیا تھا لیکن بارش کا سسٹم کمزور ہونے کی بجائے دوبارہ زور پکڑ رہا ہے، کمزور ہوتا ہے سسٹم بلوچستان سے آنے والے سسٹم سے مل کر مضبوط ہوگیا، بلوچستان سے آنے والے سسٹم کے بقیہ حصے نے اسے مضبوط کر دیا ہے اور دباؤ کے زیر اثر کراچی میں بادل برس رہے ہیں۔

ڈائریکٹر کا کہنا تھا کہ شہر میں رات 11 بجے تک بارش کا سلسلہ جاری رہ سکتا ہے اور کل بھی بوندا باندی اور ہلکی بارش کا امکان ہے۔

Comments

یہ بھی پڑھیں