site
stats
پاکستان

چیف جسٹس پاکستان کی گورنر سندھ سے عیادت

کراچی : چیف جسٹس آف پاکستان انور ظہیر جمالی نے کراچی میں گورنر سندھ اور جسٹس (ر) سعیدالزماں صدیقی سے ملاقات کر کےان کی خیریت دریافت کی۔

تفصیلات کے مطابق چیف جسٹس انور ظہیر جمالی نے آج کراچی کے نجی اسپتال میں گورنرسندھ  ریٹائرڈ جسٹس سعید الزماں صدیقی کی عیادت کی اور ان کی جلد صحت یابی کے لیے دعا کی۔

چیف جسٹس پاکستان نے کہا کہ امید ہے کہ گورنرسندھ جلد اپنے فرائض منصبی سنبھال لیں گے اور سندھ کی تعمیر و ترقی میں اپنا کردار بھرپور طریقے سے ادا کریں گے جب کہ سندھ حکومت گورنر سندھ کی صلاحیتوں سے استفادہ کرے گی۔

اس موقع پر نو منتخب گورنرسندھ سعید الزماں صدیقی کا کہنا تھا نیک خواہشات پر چیف جسٹس انور ظہیر جمالی کا شکر گزار ہوں اور آپ تمام احباب کی دعاؤں اور نیک تمناؤں کے باعث جلد ہی اپنی آئینی ذمہ داریاں سنبھال لوں گا۔

واضح رہے کہ سندھ میں سابق گورنر ڈاکٹر عشرت العباد کے 14 سالہ دورِ گورنری کے اچانک خاتمے کے بعد وفاقی حکومت کی جانب سے وزیراعظم پاکستان کے معتمد خاص اور قابل اعتماد ساتھی جسٹس ( ر ) سعید الزماں صدیقی کو نئے گورنر کی ذمہ داری سونپی گئی ہیں تاہم 79 سالہ جسٹس (ر) سعید الزماں صدیقی حلف اُٹھانے کے اگلے روز ہی علیل ہوگئے اور کراچی کے مقامی اسپتال میں تاحال زیرِ علاج ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top