کراچی : چیف جسٹس آصف کھوسہ نے اغوابرائے تاوان کیس میں 10 سال بعد حتمی فیصلہ سناتے ہوئے تینوں ملزمان کو بری کردیا۔
تفصیلات کے مطابق سپریم کورٹ کراچی رجسٹری چیف جسٹس آصف کھوسہ کی سربراہی میں اغوابرائے تاوان کیس کی سماعت ہوئی۔
سماعت میں چیف جسٹس پاکستان نے قرار دیا پراسیکیویشن کیس ثابت کرنےمیں ناکام رہا، ٹرائل کورٹ نے ملزمان کو عمر قید سنائی اور ہائی کورٹ نے سزا برقرار رکھی۔
چیف جسٹس نے ریمارکس میں کہا ملزمان کی شناخت پریڈقواعد کے برخلاف تھی،گواہوں نےشناخت کیا نہ ملزمان سےکوئی برآمدگی ہوئی تھی۔
چیف جسٹس آصف کھوسہ نے 10 سال بعد اغوابرائے تاوان کیس میں حتمی فیصلہ سناتے ہوئے تینوں ملزمان یوسف بگٹی،حاکم علی،شوکت علی کوبری کردیا۔
شہری عبدالحلیم جونیجو قتل کیس: ملزم ریاض چانڈیوکی اپیل منظور، رہائی کا حکم
دوسری جانب دادومیں شہری عبدالحلیم جونیجوکےقتل کیس میں چیف جسٹس آصف کھوسہ نے ہائی کورٹ حیدرآبادسرکٹ بینچ کافیصلہ کالعدم قرار دیتے ہوئے ملزم ریاض چانڈیوکی اپیل منظورکرلی اور کہا ملزم کیخلاف کوئی اورمقدمہ نہیں تواسےرہاکیاجائے۔
پولیس نے بتایا ملزم نے2007میں عبدالحلیم جونیجو کوقتل کیاتھا، جس پر وکیل درخواست گزار کا کہنا تھا کہ کوئی ٹھوس ثبوت اورشواہدنہیں تھے، 2007 سےمیراموکل جیل میں بےقصورسزاکاٹ رہاتھا۔
ہائی کورٹ حیدرآبادسرکٹ بینچ نےملزم کو25سال قیدکی سزاسنائی تھی۔
مزید پڑھیں : چیف جسٹس آصف سعید کھوسہ کراچی پہنچ گئے
یاد رہے 23 فروری کو چیف جسٹس آصف سعیدخان کھوسہ کراچی پہنچے تھے، دورے کے دوران چیف جسٹس آج اور کل کراچی رجسٹری میں مقدمات کی سماعت کریں گے ، جس کے لیے چیف جسٹس آصف کھوسہ کی سربراہی میں 3 رکنی لارجر بینچ سماعت کرے گا، 3 رکنی بینچ میں جسٹس مظہرعالم اور جسٹس سجادعلی شاہ شامل ہیں۔
خیال رہے چیف جسٹس آف پاکستان کا عہدہ سنبھالنے کے بعدجسٹس آصف سعید کھوسہ کا پہلا دورہ کراچی ہے۔
