اسلام آباد : چیف جسٹس عمرعطابندیال نے لطیف آفریدی کے قتل کو بڑا نقصان قرار دے دیا اور کہا لطیف آفریدی کا قتل افسوس ناک واقعہ ہے۔
تفصیلات کے مطابق چیف جسٹس عمرعطابندیال نے ایک مقدمہ کی سماعت کے دوران لطیف آفریدی کے قتل کو بڑا نقصان قرار دے دیا۔
چیف جسٹس نے کہا کہ لطیف آفریدی بہت بڑی شخصیت تھے اور وکیل افتخار گیلانی سے استفسار کیا کیالطیف آفریدی کاتعلق کوہاٹ سے تھا۔
جسٹس عمرعطابندیال کا کہنا تھا کہ لطیف آفریدی کا قتل افسوس ناک واقعہ ہے۔
یاد رہے گذشتہ روز معروف قانون دان عبدالطیف آفریدی قاتلانہ حملے میں جاں بحق ہوگئے تھے، پشاور ہائی کورٹ بار کے احاطے میں لطیف آفریدی پر فائرنگ کی گئی،انھیں زخمی حالت میں لیڈی ریڈنگ اسپتال منتقل کیا گیا مگر وہ جانبر نہ ہوسکے۔
پولیس کا کہنا تھا عبدالطیف آفریدی کو 6 گولیاں لگیں، حملہ آورعدنان سمیع آفریدی کو اسلحہ سمیت موقع پر ہی گرفتار کرلیا گیا تھا۔
