The news is by your side.

Advertisement

جوقومیں اپنی مدد آپ نہیں کرتی ان کی کوئی مدد نہیں کرتا،چیف جسٹس

کوئٹہ: چیف جسٹس آف پاکستان جسٹس میاں ثاقب نثار کا کہنا ہے کہ جوقومیں اپنی مددآپ نہیں کرتی ان کی کوئی مددنہیں کرتا، بلوچستان کےعوام پاکستان سےمحبت کرنے والے لوگ ہیں۔

تفصیلات کے مطابق چیف جسٹس آف پاکستان جسٹس میاں ثاقب نثار نے کوئٹہ ڈسڑکٹ بارسے خطاب کرتے ہوئے کہا کہ کوئٹہ بارمنظم ہے،وکالت کیلئےایمانداری ضروری ہے، وکلا ججزکے ساتھ چل کر انصاف کی فراہمی کو یقینی بنائیں۔

جسٹس میاں ثاقب نثار کا کہنا تھا کہ وکلا کو ججزکےساتھ بھرپورتعاون کرناچاہئے ، 30،30سال سے کیسزعدالتوں میں پڑےہیں، ججزکے پاس کام زیادہ ہونے کے باعث کیسز جلدی نہیں نمٹتے۔

انھوں نے خطاب میں کہا کہ ججزکے پاس کام زیادہ ہونے کے باعث کیسز جلدی نہیں نمٹتے، ریفارمزپرکام شروع کردیا ہے، لیگل ریفارمز کا آغاز یہاں سے کرتا ہوں، ہمارےقانون سازوں کے پاس قانونی سازی کیلئے وقت نہیں۔


مزید پڑھیں : عوام کے حقوق کا تحفظ سپریم کورٹ کی بنیادی ذمہ داری ہے:چیف  جسٹس


چیف جسٹس آف پاکستان کا کہنا تھا کہ سندھ میں آج بھی پولیس محکمےمیں پراناقانون رائج ہے، بلوچستان کےعوام پاکستان سےمحبت کرنےوالےلوگ ہیں، جوقومیں اپنی مددآپ نہیں کرتی ان کی کوئی مددنہیں کرتا۔

جسٹس میاں ثاقب نثار نے مزید کہا کہ آئین کے تحت عدلیہ آپ کےحقوق کی محافظ ہے، لوگوں کوان کےحقوق سےمتعلق آگاہی ہماری ذمہ داری ہے، انتظامیہ کا کام ہے لوگوں کو حقوق اور سہولتیں فراہم کرے، غریبوں کیلئے پانی،صحت اور تعلیم کی بنیاد رکھیں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Comments

comments

یہ بھی پڑھیں