جامشورو ایل پی جی گیس پلانٹ کی بندش، پلانٹ کے مالک کو ڈیڑھ ارب روپے جمع کروانے کا حکم
The news is by your side.

Advertisement

جامشورو ایل پی جی گیس پلانٹ کی بندش، پلانٹ کے مالک کو ڈیڑھ ارب روپے جمع کروانے کا حکم

لاہور : جامشورو ایل پی جی گیس پلانٹ کی بندش کے معاملے پر عدالت نے پلانٹ کے مالک اقبال زیڈ کو ڈیڑھ ارب روپے جمع کروانے کا حکم دے دیا۔

تفصیلات کے مطابق سپریم کورٹ لاہور رجسٹری میں چیف جسٹس ثاقب نثار کی سربراہی میں جامشورو ایل پی جی گیس پلانٹ کی بندش کے معاملے پر سماعت ہوئی۔

چیف جسٹس نے قرار دیا کہ کسی دور میں اقبال زیڈ کی چلتی تھی، اب قانون کی حکمرانی ہے، پلانٹ بند ہوتا ہے تو ہو جائے اس کی پرواہ نہیں، عوامی مفاد کے خلاف کوئی حکم جاری نہیں کریں گے۔

جسٹس ثاقب نثار نے ہدایت کی کہ پلانٹ چلانے سے پہلے ایس این جی پی ایل کو رقم ادا کردی جائے، عوام کا مفاد اس میں ہے کہ اقبال زیڈ گھر بیچ کر بھی قرض ادا کرے، پھر پلانٹ کھولنے کی جازت دے دیتے ہیں۔

اقبال زیڈ نے اپنے بیان میں کہا کہ ہمیں وقت دیا جائے، دو ماہ میں ادائیگی کر دیں گے۔

چیف جسٹس نے حکم دیا اقبال زیڈ نے چھ چھ سال سے حکم امتناعی لے کر کروڑوں کما لیے ہیں، آٹھ ہفتوں میں تمام رقم ڈیڑھ ارب روپے جمع کروائیں۔

Comments

comments

یہ بھی پڑھیں