اسلام آباد : چیف جسٹس ثاقب نثار نے کہا اعزاز کی بات ہے میں نےملک کے لئے کام کیا، جوڈیشری میں کرپشن انصاف کا قتل ہے ،ججز کے ضابطہ اخلاق کے اندر رہتے ہوئے کام کیا۔
تٍفصیلات کے مطابق اسلام آباد میں چیف جسٹس میاں ثاقب نثارنے اپنے اعزازمیں دیئے گئےفل کورٹ ریفرنس سےخطاب کرتے ہوئے کہا اس عدالت نےکئی معرکتہ الآرا فیصلےدیے، سب سےپہلےگلگت بلتستان کافیصلہ ہے، ملک میں پانی کی کمی کا نوٹس لیا، پوری قوم نےپانی کےلئےعطیات دیئے، دوسرامسئلہ عدالت نےآبادی میں اضافے کااٹھایا۔
[bs-quote quote=”ججز کے ضابطہ اخلاق کے اندر رہتے ہوئے کام کیا” style=”style-7″ align=”left” author_name=”چیف جسٹس ثاقب نثار "][/bs-quote]
چیف جسٹس کا کہنا تھا کہ آئین کےتحت حق زندگی، تعلیم، صحت کےمسائل حل کرنےکی کوشش کی، ججوں کاکام انتہائی مشکل ہے، جوڈیشری میں کرپشن انصاف کا قتل ہے ، ججز کے ضابطہ اخلاق کے اندر رہتے ہوئے کام کیا۔
جسٹس ثاقب نثار نے کہا اعزازکی بات ہے میں نے ملک کے لئے کام کیا، بڑے لوگوں کو معاشرہ اورعدالتیں عزت دیتی ہیں۔
اس سے قبل نامزد چیف جسٹس آصف سعید کھوسہ کا کہنا تھا کہ سوموٹو کا اختیاربہت کم استعمال کیا جائے گا، بطورچیف جسٹس انصاف کی فراہمی میں تعطل دورکرنےکی کوشش کروں گا، کہاجاتا ہے، فوجی عدالتوں میں جلدفیصلے ہوتے ہیں،ہم کوشش کریں گے سول عدالتوں میں بھی جلد فیصلےہوں، میری رگوں میں بلوچ خون دوڑ رہاہے، آخری دم تک لڑوں گا۔
جسٹس آصف سعید کھوسہ کا کہنا تھا کہ چیف جسٹس ثاقب نثار نے بہت مشکل حالات میں عدالت چلائی، سیاسی،سماجی،معاشرتی اورآئینی سمیت کئی طرح کی مشکلات کاسامناکیا، چیف جسٹس کی انسانی حقوق کے حوالے سے خدمات یاد رکھی جائیں گی۔
کوشش کی کہ قانون اور ضابطے کے اندر رہتے ہوئے فیصلے دوں، چیف جسٹس کے آخری ریمارکس
یاد رہے چیف جسٹس نے آج اپنی ریٹائرمنٹ کے روز عدالت برخاست کرتے ہوئے ریمارکس دئیے سب کاشکرگزارہوں یہ میراآخری کیس تھا، بیس سال سے زائد میں نے اعلیٰ عدلیہ کےلئےگزارے، کوشش کی کہ قانون اور ضابطے کے اندر رہتے ہوئے فیصلے دوں۔
خیال رہے چیف جسٹس آف پاکستان جسٹس میاں ثاقب نثار آج ریٹائرڈ ہورہے ہیں، چیف جسٹس نے دوران منصبی ملک بھر کی طرح کراچی میں بھی مفادعامہ کے معاملات پر کئی ازخود نوٹسز لئے۔.
