The news is by your side.

Advertisement

رحیم یارخان میں مندر پر حملہ ، چیف جسٹس نے ازخودنوٹس لے لیا

اسلام آباد : چیف جسٹس آف پاکستان گلزار احمد نے رحیم یارخان میں مندر پر حملے کا ازخودنوٹس لے لیا اور کیس کل ہی سماعت کیلئےمقرر کرلیا۔

تفصیلات کے مطابق چیف جسٹس آف پاکستان گلزار احمد نے کا رحیم یارخان میں مندر پر حملے کے معاملے کا نوٹس لیتے ہوئے ازخودنوٹس کیس کل ہی سماعت کیلئےمقرر کرلیا ہے۔

چیف جسٹس نے رحیم یارخان میں مندر پر حملہ کیس میں چیف سیکریٹری پنجاب اور آئی جی پنجاب کل سپریم کورٹ میں طلب کرلیا ہے۔

یاد رہے پنجاب کے علاقے صادق آباد کے نواحی شہر بھونگ میں دو گروپوں کے درمیان ہونے والا جھگڑا مذہبی رنگ اختیار کرگیا تھا ، جس کے بعد مشتعل افراد نے علاقے میں قائم قدیم مندر پر حملہ کیا اور اُسے نذر آتش کردیا۔

بعد ازاں وزیراعظم کے معاونِ خصوصی برائے مذہبی ہم آہنگی علامہ طاہر اشرفی نے واقعے کے حوالے سے بتایا کہ رحيم يارخان انتظاميہ سے بات ہوئی ہے،فتنہ فساد پھيلانےوالوں كو کسی صورت معاف نہیں كيا جائےگا، بھونگ شہر میں ہونے والے حملے کی تحقیقات جاری ہیں، مندرپرحملہ كرنے والے جلد قانون كے شكنجے ميں ہوں گے۔

Comments

یہ بھی پڑھیں