غزہ میں جاری اسرائیلی نسل کشی پر ایک آئرش ایم پی کلیر ڈیلی نے یورپی پارلیمنٹ پر برہمی کا اظہار کر کے یورپ کو آئینہ دکھا دیا۔
غیر ملکی میڈیا رپورٹس کے مطابق یورپی پارلیمنٹ کی ایک آئرش رکن کلیر ڈیلی نے جمعہ کے روز یورپی کمیشن کی صدر اُرسولا وان ڈر لئین کو غزہ میں جنگ بندی کا مطالبہ نہ کرنے پر تنقید کا نشانہ بنایا۔
انھوں نے کہا صرف اسرائیل نہیں بلکہ یورپ بھی غزہ میں نسل کشی کا ذمہ دار ہے، یورپ کی اتنی جرات بھی نہیں کہ جنگ بندی کا مطالبہ کرے کیوں کہ ان کے ہی دیے ہوئے ہتھیار سے غزہ میں نسل کشی ہو رہی ہے۔
Israel has spent a month pounding Gaza into rubble and filling the streets with children’s blood. With European and American weapons, and European and American support. Still @vonderleyen cannot even say the word: "ceasefire.” This isn’t just Israel’s genocide. It’s Europe’s too. https://t.co/CtuWywBp2g pic.twitter.com/pWsrpSUIgU
— Clare Daly (@ClareDalyMEP) November 10, 2023
آئرش ایم پی اُرسولا پر برستے ہوئی بولیں: ’’یہاں آ کر اپنے ہاتھوں سے خون صاف کرنے کی ضرورت نہیں ہے، کیوں کہ ایک ماہ پہلے آپ اسرائیل گئیں اور ان کی حمایت کی۔‘‘
کلیر ڈیلی نے بدھ کے روز پارلیمنٹ کے اجلاس میں اپنی تقریر کی ایک ویڈیو بھی ’ایکس‘ پر پوسٹ کی، جس میں انھوں نے غزہ کے لوگوں کو بھوک سے مارنے، اسپتالوں، ایمبولینسوں، صحافیوں اور انسانی امداد کے ذرائع پر بمباری کرنے پر اسرائیل کی نسل پرست ریاست پر کڑی تنقید کی تھی۔