لاڑکانہ : رتوڈیرو میں دو برادری میں خوفناک لڑائی کے دوران مسلح افراد نے شہر کے بیچوں بیچ گولیاں برسائیں اور ایک دوسرے پر کریکربم پھینکے۔
تفصیلات کے مطابق لاڑکانہ کے علاقے رتوڈیرو میں جلبانی اوروسیربرادری میں خوفناک تصادم میں آتشیں اسلحے کے آزادانہ استعمال سے شہرمیدان جنگ بن گیا۔
دونوں برادریوں کے مسلح افراد نے شہرکے بیچوں بیچ شدید فائرنگ کی اور ایک دوسرے پر کریکر پھینکے، جس سے دو افراد زخمی ہوگئے۔
جدید ہتھیاروں کے استعمال سےشہرمیں خوف وہراس پھیل گیا اور ریشم بازاربھی بند ہوگیا۔
دو روز سے جاری لڑائی کے بعد علاقے میں خوف کی فضا ہے، پولیس نے دونوں برادریوں کے 33 افراد کے خلاف دہشت گردی کا مقدمہ درج کرلیا ہے جبکہ پولیس اور رینجرزکی جانب سے علاقےمیں گشت بھی کیا گیا۔
جلبانی برادری کی جانب سے مخالفین کے للکارنے کی ایک اور ویڈیو بھی جاری کردی گئی ، جس میں مخالفین کودھمکیاں دی جارہی ہیں۔
وزیرداخلہ ضیا لنجار نے واقعے کا نوٹس لیتےہوئے ایس ایس پی لاڑکانہ سے رپورٹ طلب کرلی ہے۔
