The news is by your side.

Advertisement

کراچی یونیورسٹی کی اہم خبر

کراچی: جامعہ کراچی میں کل سے تدریسی عمل بحال ہو جائے گا۔

تفصیلات کے مطابق کراچی یونیورسٹی کے اساتذہ نے احتجاج ختم کرنے اور کل سے تدریسی عمل بحال کرنے کا اعلان کردیا۔

جنرل کونسل اجلاس میں پروفیسر ڈاکٹر شاہ علی مقدس، جنرل سیکریٹری ڈاکٹر محسن علی، ڈاکٹر حارث اور اساتذہ کرام نے شرکت کی۔

وزیر جامعات اسماعیل راہو نے یقین دہانی کرائی کہ اساتذہ کے پروموشن وقت پر ہوں گے، اور کسی کے ساتھ نا انصافی نہیں ہوگی، نظام تعلیم میں اساتذہ کا کلیدی کردار ہے، اساتذہ کے بغیر تعلیم اور تدریس کا عمل نا ممکن ہے۔

سندھ کی تمام جامعات میں یوم سیاہ منانے کا اعلان

اسماعیل راہو وضاحت کی کہ سیکریٹری جامعات کی جانب سے جو لیٹر جاری ہوا تھا، وہ اُن جامعات کے لیے ہے جنھوں نے ابھی تک بھرتیوں کے قواعد و ضوابط نہیں بنائے۔

اس موقع پر پروفیسر ڈاکٹر شاہ علی مقدس نے کہا ہم نے جامعہ کراچی میں جاری احتجاج ختم کر دیا ہے، کل سے تدریسی عمل بحال ہو جائے گا۔ ان کا کہنا تھا کہ وزیر جامعات نے ہمارے جائز مطالبات مان لیے ہیں۔

یاد رہے کہ سیکریٹری جامعات کے نامناسب رویے کے خلاف احتجاج شروع کرتے ہوئے جامعہ کراچی کے اساتذہ نے یکم فروری سے کلاسز کا بائیکاٹ کر دیا تھا، جامعہ کراچی میں ریلی بھی نکالی گئی تھی۔

Comments

یہ بھی پڑھیں