نئی دہلی : اسلحے کے زور پر دکاندار کو لوٹنے والا اناڑی ڈاکو مشکل میں پھنس گیا، دکاندار نے پھرتی دکھاتے ہوئے لیٹرے کو فائرنگ کرکے زخمی کردیا۔
غیر ملکی خبر رساں ادارے کی رپورٹ کے مطابق ڈاکو پر فائرنگ کا واقعہ بھارتی ریاست ہریانہ کے ضلع جھجر میں پیش آیا، جہاں ایک شخص نے دکان میں داخل ہوکر لوٹ مار کرنے کی کوشش کی، جو اسے مہنگی پڑگئی۔
ڈاکو نے اسلحے کے زور پر دکاندار کو لوٹنا چاہا لیکن بندوق میں گولی پھنس گئی، موقع کو غنیمت جانتے ہوئے دکاندار نے اپنی پستول نکال پر ڈاکو پر گولیاں برسا دیں جس کے نتیجے میں مسلح شخص کے ہاتھ اور کمر میں گولی۔
دکان کے مالک دھرمیندر نے پولیس کو مطلع کیا، اطلاع ملتے ہی پولیس جائے وقوع پر پہنچ کر زخمی ڈاکو کو اسپتال منتقل کیا اور سی سی ٹی وی فوٹیج کی مدد سے کارروائی کا آغاز کردیا۔
