کوئٹہ: وزیراعلیٰ بلوچستان جام کمال نے سی پیک پر سابقہ حکومت سے شکوے شکایتیں کی اور خوب تنقید کا نشانہ بھی بنایا۔
تفصیلات کے مطابق اپنے ایک بیان میں جام کمال کا کہنا تھا کہ بلوچستان نے سی پیک میں کچھ حاصل نہیں کیا۔
انہوں نے کہا کہ گوادرپورٹ کی سہولت عام آدمی کی زندگی میں بہتری نہیں لارہی، سی پیک میں بائیس ارب ڈالر خرچ ہوئے، بلوچستان میں ایک یا دو ارب ڈالر بھی خرچ نہیں ہوا۔
ان کا مزید کہنا تھا کہ بلوچستان پر ڈالر خرچ نہ ہونا سوالیہ نشان ہے۔
سی پیک بلوچستان کو مالی بحران سے نکالے گا، وزیراطلاعات بلوچستان
خیال رہے کہ گذشتہ ماہ وزیراطلاعات بلوچستان ظہور احمد بلیدی نے کہا تھا کہ سی پیک بلوچستان کو مالی بحران سے نکالے گا، تافتان چمن بارڈر اور گوادر پورٹ سے بلوچستان کو فائدہ ہوگا۔
انہوں نے یہ بھی کہا تھا کہ بلوچستان کی تاریخ میں کبھی بھی کابینہ کے اجلاس پر توجہ نہیں دی گئی، دو روزہ کابینہ اجلاس میں 40 کے قریب پالیسیاں بنائی گئی، کابینہ اجلاس میں تمام منصوبوں کو بہت باریکی سے دیکھا گیا۔
