اسلام آباد : وزیراعظم میاں محمد نوازشریف کا کہناہےکہ پاکستان کوترقی یافتہ ریاست میں تبدیل کرناہماراوژن ہے۔
تفصیلات کےمطابق وفاقی دارالحکومت میں وزیراعظم ہاؤس میں وزیراعلیٰ بلوچستان نواب ثنااللہ زہری کی وزیراعظم میاں محمدنوازشریف سے ملاقات ہوئی جس میں بلوچستان میں جاری ترقیاتی منصوبوں پربات چیت ہوئی۔
اس موقع پر وزیراعظم نوازشریف نےکہاکہ گودار بندرگاہ بلوچستان اور خطے کےعوام کی زندگیاں بدل دے گی اس کے علاوہ انہوں نے کہاکہ حکومت ملک میں ترقی کےایجنڈےپرگامزن ہے۔
وزیراعلیٰ بلوچستان نواب ثنااللہ زہری کا بلوچستان کے حوالے سے ترقیاتی منصوبوں پربات کرتے ہوئےکہناتھاکہ وفاق کی جانب سے کیے جانے والے اقدامات سے صوبے کی محرومی کا خاتمہ ہوا۔
مزید پڑھیں:وزیرستان میں خوف اور فساد ختم، اب ترقی ہوگی،نوازشریف
واضح رہےکہ گزشتہ روز وزیر اعظم محمد نواز شریف نےفاٹامیں شمالی وزیرستان کی تحصیل شوال میں کرم تنگی ڈیم کا سنگ بنیاد رکھتےہوئےکہاتھاکہ کرم تنگی ڈیم منصوبےکاآغاز خوف اور فساد کےدورکوختم کرنےکےلیےاہم سنگ میل ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں