site
stats
پاکستان

نیشنل ایکشن پلان پر عملدرآمد، وزیر اعظم نے اجلاس طلب کرلیا

اسلام آباد : وزیر اعظم نےنیشنل ایکشن پلان پر عملدرآمد کے حوالے سے16 ستمبر  کو اجلاس طلب کرلیا, جس میں چاروں صوبوں کے وزراء اعلیٰ کو بھی مدعو کیا گیا ہے۔

ذرائع کے مطابق اجلاس میں چاروں  صوبوں کے وزراء اعلیٰ کو بھی شرکت کی دعوت دی گئی ہے اور صوبائی سطح پر نیشنل ایکشن پلان کے علمدرآمد کے حوالے سے رپورٹس پیش کرنے کے احکامات بھی دئیے گئے ہیں۔

مزید پڑھیں:   نیشنل ایکشن پلان پر عملدرآمد، وزیراعظم کی ہدایت پر ذیلی کمیٹی قائم

اجلاس میں وزیر اعلیٰ سندھ مراد علی شاہ شرکت کریں گے ۔ اس ضمن میں انہوں نے 15 ستمبر کو سی ایم ہاؤس میں اپیکس ریویو کمیٹی کا اجلاس طلب کرلیا ہے ، جس میں اپیکس کمیٹی سندھ کے فیصلوں پر عملدرآمد کا جائزہ لیا جائے گا۔

نیشنل ایکشن پلان کے اجلاس میں تمام صوبوں کے وزراء اعلیٰ صوبوں میں اپیکس کمیٹی کے اجلاسوں اور اُن کے فیصلوں پر عملدرآمد کے حوالے سے رپورٹ بھی پیش کریں گے تاہم ملک بھر میں جاری کومبنگ آپریشن پر تفصیلی تبادلہ خیال کیا جائے گا۔

یاد رہے نیشنل ایکشن پلان کے تحت ملک بھر میں سیکیورٹی فورسز کے تحت کامیاب کارروائیاں جاری ہیں جس کے تحت دہشت گردوں کو گرفتار کیا جاچکاہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top